Ronnie's Place: 2012.09

2012/09/27

【念念不忘兩個月】Laura Mercier Moisture Suprême Foundation

自從七月係counter試過Oil Free Supreme Foundation但冇貨，

then 念念不忘…念念不忘……念念不忘………

得知9月頭係朗豪坊有推廣會，立即第一日就去帶左呢set返屋企，原本想買的Oil Free 仍然係冇貨，Silk Crème Foundation又唔岩feel，我覺得太厚。最後博一博，買左Moisture Supreme Foundation。用左一差不多一個月，好滿意!

中度遮瑕力，夠保濕，有控油，係office坐足一日唔會抽乾水份，出油後唔會溶，係變左有光澤，用tissue 印一印就ok了。唯一缺點係下午有少少變暗，加上我用既色號係夏天皮膚既sunny beige，而家好勤力做果酸換膚，已經白左，有d 心郁郁想買番warm ivory，不過我會忍……試下KO呢支粉底液先。

呢個Eye Colour Duet - suspense太令了，紅紅啡啡，上眼後又唔會眼腫，冬天用一流！(黃燈影到走晒色添) 就係因為呢個眼影+很滿意既粉底液，突然愛上呢個牌子。走左去Y拍買左下面呢個2011年限量set，原先眼影賣家話係墨綠色，點知寄到黎變左#sable (淺啡)，算吧！$210包郵都很滿意了！　：）

2012/09/20

【亮晶晶既面面】RMK Gel Foundation

【亮晶晶既面面】RMK Gel Foundation

簡單的包裝

今次有102色/103色, 而我係不偏不倚既中間色, 所以我係揀103.

話明係GEL FDT, 質地企身似JELLY, 1 PUMP 已經有圖中份量, 可以夠全面, 而我比較多瑕疵, 我會用多一PUMP 係面頰

粉質好濕潤, 但好快乾

推開後. 充滿光澤, 唔同角度都會有光環, 又唔會有"立CHICHI"既感覺

全面素顏實死人, 出住個鬼鬼鼠鼠既半面素顏先...

上底妝後, 膚色均勻左, 好明顯成個TONE明亮左, 同條頸既顏色都唔會差好遠.

化埋個淡妝後, 成個面面都亮晶晶

呢張相係4個鐘後影既, 仍然好貼服, 未溶, 光澤感仲健在, 只係有少少甩粉, 遮瑕冇咁好了, D印浮左出黎.

近影都見得下人. :)

總結:

秋冬粉底最重要: 保濕得黎又控油持久得黎又唔乾 , 老實說RMK呢支粉底做到85分, 踏入9月, 我再用夏天粉底就一定會甩皮, 又會"猛猛緊",

用左RMK GEL FOUNDATION冇呢個問題, 個妝仲可以KEEP到放工, 仍然有光澤, 真係好喜歡呢種亮晶晶既感覺, 絕對唔係滿面油光, 毛孔開晒, 果種令立立感覺.

小提示:

頭兩日用左保濕PRIMER + 歐美LOOSE POWDER, 底妝到中午就開始溶, 又變暗, 仲有D 痴立立FEEL添. 可能成份包含: 氨基酸系護膚油、彈潤啫喱狀妝膜的啫喱狀油分, 油份啊, 佢既油＋我既油＝溶囉
之後, 第3日轉左控油PRIMER + 日牌LOOSE POWDER, 情況一百八十度逆轉, 冇再變暗+痴立立, 非常滿意. 之但係放工都要補妝架.
只怪我太多點點點點點點係面面上, 真係唔夠遮瑕力呢, 就算用上遮瑕膏, 放工後好難再補, 呢個係唯一缺點.

如果喜歡亮晶晶既面面, 你一定很喜歡RMK新品GEL FOUNDATION.

如果喜歡MATTE妝, 就不如睇第2支好了 :)

2012/09/05

一年一度 2012 LOREAL 開倉記

由2009年開始，每逢八月都會很關心今年有冇飛可以去到一年一度令全場女士瘋狂既LOREAL開倉。

今年已經係第4年去，老實講，抵買指數一年比一年低，仲記得09年第一次去，捧住唔會有咩買、去見識下既心態，點知去到唔捨得走，行左兩個幾鐘仍然博殺緊，離場後心心不忿，結果係再去多2日，諗起都仲好興奮……

今年收穫還可以，GA仍然無FOUNDATION，HR無EYE CREAM，SHU UEMURA無落妝油，KIEHL'S無擺BOOTH添，最想買果Ｄ全無，最後買下呢D……

估唔到今年會有hair product，冇帶埋架車仔去抬實在有d蝕， $35 @set (shampoo + conditioner)，實在太抵!

拎到盡都只係拎到3sets，有點不甘...

今年劈價劈得最勁係 Biotherm，二三百蚊1 set，有3-5樣貨size items，無奈我覺得唔好用，忍手一樣都冇買.

再來 shu uemura，有好多限量版 Makeup，最吸引我既係foundation， 1 set 2支，只係$150， omg!!! 好好彩朋友肯share 1支， hehe 又有新粉底可以試下~~

skinceuticals 既b5 gel 想試好耐, 正價咁貴又唔會賣，去水貨店買我又懶。係會場行左兩轉，就決定豪一豪，$800 1 set b5 gel + hydrating b5 masque，以為自己好醒，執平慣，點知...... 笨了...... Y拍水貨平百幾，下次都係唔好衰衝動。哼，唯有貴買平用，平衡番自己。