由2009年開始，每逢八月都會很關心今年有冇飛可以去到一年一度令全場女士瘋狂既LOREAL開倉。
今年已經係第4年去，老實講，抵買指數一年比一年低，仲記得09年第一次去，捧住唔會有咩買、去見識下既心態，點知去到唔捨得走，行左兩個幾鐘仍然博殺緊，離場後心心不忿，結果係再去多2日，諗起都仲好興奮……今年收穫還可以，GA仍然無FOUNDATION，HR無EYE CREAM，SHU UEMURA無落妝油，KIEHL'S無擺BOOTH添，最想買果Ｄ全無，最後買下呢D……
估唔到今年會有hair product， 冇帶埋架車仔去抬實在有d蝕， $35 @set (shampoo + conditioner)， 實在太抵!
拎到盡都只係拎到3sets， 有點不甘...
今年劈價劈得最勁係 Biotherm， 二三百蚊1 set， 有3-5樣貨size items， 無奈我覺得唔好用， 忍手一樣都冇買.
再來 shu uemura， 有好多限量版 Makeup， 最吸引我既係foundation， 1 set 2支， 只係$150， omg!!! 好好彩朋友肯share 1支， hehe 又有新粉底可以試下~~
skinceuticals 既b5 gel 想試好耐, 正價咁貴又唔會賣，去水貨店買我又懶。係會場行左兩轉，就決定豪一豪，$800 1 set b5 gel + hydrating b5 masque，以為自己好醒，執平慣，點知...... 笨了...... Y拍水貨平百幾，下次都係唔好衰衝動。哼，唯有貴買平用，平衡番自己。
其次 LANCOME，以往好多skincare， 舊年連新出粉紅line都有. 今年呢，只要粉餅，眼影， 幾樣makeup，所以剩係買左皇牌粉餅teint miracle，唔連case，只係$100， 抵玩!
YSL 今年無skincare，makeup為主，當我見到呢兩個palette一見鍾情，一個閃啡一個閃紫，不過YSL既眼影實情唔係好好用，如果係正價$550，我一定唔會買。 
最後係Giorgio Armani，每一年都祈禱希望有粉底，有粉底，有粉底，失望左兩年，第三年都仲係失望 (淚奔.......)
GA眼影超靚，又特別上色，上眼後可以望到佢既質地係很貼服，很silky ，之前買過一盒4色眼影+bronzer，一用難忘，眼影用左一半，bronzer用晒。
得不到最想要既野，就開始發顛見到咩就"立"咩，咁多支lipstick and lip gloss 都唔知何年何月先用得晒。
總結黎講，一年比一年少野買，但每年期待拎到飛，期待日子快啲到，期待會有驚喜，成個過程都係好開心！
沒有留言:
發佈留言